Isa sa pinakamagarbong kapistahan dito sa Pilipinas ay ang Pahiyas Festival ng Lucban Quezon. Ito ay nagaganap tuwing ika-15 ng Mayo bilang pasasalamat sa magandang ani na kanilang tinatamasa sa buong taon. Ang mga bahay ay pinapalamutian ng makukulay na “kiping” na gawa sa dinikdik na bigas at ibinabad sa makukulay na food coloring.
Maliban sa mga pinalamutiang bahay, nagkaroon din prosisyon at parada na binubuo ng mga banda at musiko habang sumasayaw ang mga dilag sa saliw ng kanilang tugtog.
